Writing /home/infogasy/domains/wiki.infogasy.net/public_html/data/cache/8/8a389bb569b83beca51dc30455482d45.xhtml failed

Andao hijery fampiasana sed vitsivitsy

Hahazoana misimisy kokoa dia manaova man sed, fa ireto dia ohatra vitsivitsy fotsiny fampiasana azy matetika

  • Manolo teny1 ho lasa teny2

Io no tena fampiasana azy matetika indrindra. Ohatra hoe manana rakitra atao hoe hira.txt isika.

$ cat hira.txt
Lanitra mangamanga o,
Saronan'itony Rahona

Hovaintsika ny lokon’ny lanitra: ny “manga” hosoloina “mena”

$ sed "s/manga/mena/g" hira.txt
Lanitra menamena o,
Saronan'itony Rahona

Raha jerena ilay baiko sed “s/manga/mena/g” hira.txt, dia sed aloha no baiko nantsoina. Ny s dia milaza ho mpanasaraka izay soratra manaraka azy mivantana, dia ny / izy eto (azo ovaina io raha ilaina). Ny “manga” no hosoloina, ny “mena” no hasolo azy. Farany ny g no miteny izay hataon’i sed: ovaina daholo izay hita rehetra. Ny hira.txt moa no rakitra hokirakiraina.

  • Ohatra mampiasa regular expressions

Azo atao regexp ireo teny hosoloina sy hasolo. Jereo ny momba ny Regular Expression. Eto ohatra hampifamadika teny anankiroa isika:

$ sed "s/\(Lanitra\) \(mangamanga\)/\2 ny \1/g" hira.txt
mangamanga ny Lanitra o,
Saronan'itony Rahona

Fanampiny

- Ny baiko sed dia fampiasa ho baiko sivana anaty pipeline.
- Azo atao ny manao script sed anaty fichier iray, ka manao sed -f script.sed rehefa hampiasa azy.

Iangaviana izay mahay mba hanampy eto.

Afaka mampiasa sed koa amin’ny windows, na amin’ny alalan’ny cygwin, na tonga dia mametraka fotsiny an’ity: http://gnuwin32.sourceforge.net/packages/sed.htm. Kendreo fotsiny ho ao anatin’ny variahle PATH ny lalana mankamin’ny executable sed.

Jereo koa

 

sed.txt · Novaina farany:: 2008/09/11 12:43